Über Die LandJugend Elbach
Def. Landjugend:
Zusammenschluss von im ländlichen Raum aufgewachsenen und lebenden jungen Menschen
(Dorfkindern)
VEREINSGschicht
De Wurzeln der Landjugend Elbach gehn bis ins Jahr 1958 zruck.
Seit über 60 Jahr leisten mia in da Gemeinde Fischbachau an großen Beitrag zum Dorfleben und in da Jugendarbeit.
Weihnachtsfeier, Skiausflug und Vereinsausflüge ghern natürlich seither zum Jahresprogramm.
Frühere Veranstaltungsserien wias SHARK OpenAir, Rock in den Mai und Pilsfest unter Palmen ham unser Vereinsgschicht geprägt und uns do hibrocht,
wo ma jetzt san: Fest eigegliedert ins Dorfleben und nimma weg zum denka.
HEID
Seit da Gründung gwinnt unser Verein stets an Zuwachs, sodass ma mittlerweile 100 Mitglieder zählen kinnan.
100 ehrenamtlich Mitwirkende aus Elbach, Hundham, Fischbachau und vom Auerberg, a jeder oanzlne motiviert mitnand Projekte und Veranstaltungen im Namen vo da Landjugend Elbach aufd Haxn zum stein.
Durch unser langjährigs Erfolgsrezept,
dem „MegaHalliGalli“, san mia inzwischen weit über de Landkreisgrenzn hinaus bekannt und begrüßen zu dem Spektakel im Normalfall über 1000 Gäste.
2019 ham mia seit längerer Zeit moi wieder a ganz bsundere Veranstaltungsserie gstart:
As OberlandBrass.
Bisher hods oamoi stattfinden kinna,
as nächste Oberland-Brass-Festival is für den 16. Juli 2022 geplant.
Mit dabei san wieder mehrere namenhafte Bands aus da Blasmusik-Szene, sodass koa Generation z kurz kimmd.
WOS MIA MACHAN
Ois Verein ham mia uns zunächst moi da Förderung unserer Jugend verpflichtet.
Jeder Jugendliche ab 16 Jahren derf da Landjugend beitreten und sein Beitrag bei unsere Veranstaltungen leisten.
Ois Dank für de Unterstützung und Mithilfe organisiert da Ausschuss für olle Mitglieder an jährlichen Ausflug.
Salzburg, Rimini und Dublin ham scho zu unsere Ziele gherd. Man kimmd oiso a diam furt mit da Landjugend.
Aber de meiste Zeit verbringan mia natürlich mit da Planung und Gestaltung unserer Festl.
Es suid si ja wos riahn!
unser AUSsCHUSS
Unser Vorstandschaft besteht aus vier Leid:
zwoa Burschen und zwoa Dirndl.
Dazua kemman no Kassiere, Schriftführung und Beisitzer, sodass ma an Ausschuss vo zehn Leid zambringan. Da Ausschuss is ois Planungsteam zuaständig für de strategische Organisation unserer Veranstaltungen und dessen Bereiche (Bandauswahl und Bühnentechnik, Strom- und Wasserversorgung, Sponsoring- und Marketing, Kasse, Security, Catering, Getränke, Stände und Parkplatz).